ინგლისის პრემიერ ლიგა. ლივერპული – ნორვიჩი Preview

ინგლისის პრემიერ ლიგის მორიგ სეზონს “ლივერპულისა” და “ნორვიჩის” დაპირისპირება გახსნის. მასპინძლებმა გასულ კვირას ინგლისის სუპერ თასისთვის დაპირისპირება “მანჩესტერ სიტისთან” დათმეს და ახლა რა თქმა უნდა მათი უმთავრესი მიზანი ჩემპიონატის მოგებით დაწყებაა.

“ენფილდზე” “წითლები” რა თქმა უნდა ფავორიტებად ითვლებიან, მიუხედავად იმისა რომ უცნობია მიიღებს თუ არა მატჩში მონაწილეობას მათი ერთ-ერთი ლიდერი სადიო მანე. მართალია სენეგალელი შემტევი აფრიკის თასზე ასპარეზობის შემდეგ უკვე დაუბრუნდა გუნდს, თუმცა მას ფაქტობრივად მთელი წინასასეზონო შეკრება გაუცდა და უცნობია რა გადაწყვეტილებას მიიღებს კლოპი. არ არის გამორიცხული სასტარტო შემადგენლობაში ადგილი მანეს ნაცვლად ორიჯიმ მიიღოს.

“ნორვიჩი” პრემიერ ლიგას წელს დაუბრუნდა და შემადგენლობის გათვალისწინებით გუნდის ერთადერთი მიზანი წესით უძლიერესებს შორის ადგილის შენარჩუნება იქნება. სტუმრების მთავარი იმედი ამ სეზონში ალბათ გამოცდილი მეკარე და ფინელი გოლეადორი ტემუ პუკი იქნება. ბოლო წლებში სკანდინავიელმა აშკარად მოუმატა თამაშს და ჯერ ორი სეზონის მანძილზე დანიური სუპერ ლიგის მეკარეები “გააწამა”, გასულ სეზონში კი ჩემპიონშიპში 29 გოლის გატანა მოახერხა. რამდენად ეყოფა მისი კლასი პრემიერ ლიგას ამას უკვე ახალი სეზონი გვაჩვენებს.

საინტერესო ფაქტები

  • “ენფილდზე” “ლივერპულს” 38 თამაშიანი წაუგებელი სერია აქვს პრემიერ ლიგაში
  • დღევანდელი მეტოქეების ბოლო შეხვედრა “ენფილდზე” ფრედ 1:1 დასრულდა
  • დღევანდელი მეტოქეების 50 ურთიერთშეხვედრიდან 27-ჯერ ლივერპულელებმა გაიმარჯვეს

კომენტარის დატოვება

Fill in your details below or click an icon to log in:

WordPress.com Logo

You are commenting using your WordPress.com account. Log Out /  შეცვლა )

Google photo

You are commenting using your Google account. Log Out /  შეცვლა )

Twitter picture

You are commenting using your Twitter account. Log Out /  შეცვლა )

Facebook photo

You are commenting using your Facebook account. Log Out /  შეცვლა )

Connecting to %s